Link açıqlığı

Saatnıñ esas haberi

Qırımda «Lider» radiosınıñ yayınlavı toqtaldı, efirde – süküt


Qırımda salı künü, mart 31-de, saat 19:30, ATR birinci qırımtatar telekanalı, Lâle bala kanalı ile birlikte mediaholdingge kirgen «Lider» radiosınıñ yayınlavı toqtaldı.

Qırım.Aqiqat mühbiri aytqanı kibi, alıp barıcı Svetlana Razina canlı yayında diñleyicilerge diqqat içün minnetdarlığını bildirdi, bundan soñ yayınlav söndürildi. Al-azırda 106.6 dalğasında – süküt.

Malüm olğanı kibi, mart 31 künü yüzge yaqın qırımtatarı Aqmescitte ATR telekanalına kelip, destegini bildirdi.

Aprel 1 kününden ATR yayınlavınıñ toqtatılması mümkün. Eger de telekanal martnıñ soñuna qadar Rusiye qanuniyetine köre matbuat vastası olaraq qayd etilmese, işi toqtatılacaq.

Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir.

XS
SM
MD
LG