Link açıqlığı

Qırımda Taqiqat komitetiniñ hadimleri Qırımtatar Milliy Meclis reisiniñ muavini İlmi Ümerovnıñ Bağçasraydaki evine tintüvni keçirmege keldiler. Jurnalistlerge evniñ yanında çalışmağa izin bermeyler, – yazdı öz Facebook saifesinde Qırımtatar Milliy Meclis reisi Refat Çubarov.

«Saat 20:00 Qırımtatar Milliy Meclis reisi muavini İlmi Ümerovnıñ Bağçasaraydaki evine Taqiqat komitetiniñ üç hadimi keldi. Tintüv başlandı. Neni qıdıralar, şimdilik belgisizdir… Çıqarmağa ve yazmağa yasaq eteler»,– dey Çubarov.

Evel Qırım.Aqiqat bildirgeni kibi, Ümerovnıñ 7 saat devam etken sorğusı soñuna yetti, bundan soñ taqiqatçılar tintüv ile Bağçasarayğa yol aldılar . Ümerovnıñ tuvğanlarınıñ sözlerine köre, taqiqatçılar Meclis reisiniñ muavinini «fevral 26» işi boyunca «bir qaç doğruluv sual bermek içün» çağırdılar.

Aprel 1 kününden ATR yayınlavınıñ toqtatılması mümkün. Eger de telekanal martnıñ soñuna qadar Rusiye qanuniyetine köre matbuat vastası olaraq qayd etilmese, işi toqtatılacaq.

Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir.

XS
SM
MD
LG