Link açıqlığı

Qıtаğa köçip kelgen ailelerde 3 biñ bala doğdı


İçtimaiy siyaset nazirliginde qayd etilgen 1 million 195 biñ mecburen köçip kelgenni sayıp çıqtılar. Olarnıñ arasında 776 biñden ziyade aile. Sağlıq saqlav nazirliginiñ malümatına köre, olarda üç biñden ziyade bala doğdı.

Sağlıq saqlav nazirligi: köçip kelgenlerde üç biñden ziyade bala doğdı.

Ukrainada mecburen köçip kelgenlerniñ ailelerinde üç biñden ziyade bala doğdı. Bunı sağlıq saqlav naziriniñ muavini Оlena Tereşçеnko bildirdi, – haber ete Radіo Svoboda.

Tereşçenko şunı da bildirdi ki, umumen tibbiy yardımnı 126 biñ büyük insan soradı, 85 biñ qayd etildi, muracaat etken 80 biñ baladan tahminen 52 biñ bala endi tibbiy esapqa turdı.

Er beşinci köçip kelgen insan devlet esabına tibbiy baquvdan keçti,– dey Tereşçenko.

«Bugün 1 million 100 biñ mecburen köçip kelgen insandan 200 000 tibbiy baquvdan keçti. Ve yahşı bir haber, köçip kelgenlerniñ 3000 balası doğdı», – dedi o.

Tereşçenko şunı añlata ki, devlet esabatına tedaviylengen köçip kelgenler öz sağlıq alı aqqında ep haberdar etmek kerek.

Evel bildirilgeni kibi, Ukraina İçtimaiy siyaset nazirliginde esapqa turğan 1 million 195 biñ mecburen köçip kelgenni sayıp çıqtılar. Olardan 776 biñ aile.

XS
SM
MD
LG