Yüzge yaqın qırımtatarı Aqmescitte mart 31 künü ATR telekanalına qol tutmağa keldi.
Qırım.Aqiqat mühbiri aytqanı kibi, insanlar qırımtatar bayraqları ile kele. «Yanıñızda olmaq içün kelemiz», – deyler seyirciler.
Aprel 1 kününden ATR yayınlavınıñ toqtatılması mümkün. Eger de telekanal martnıñ soñuna qadar Rusiye qanuniyetine köre matbuat vastası olaraq qayd etilmese, işi toqtatılacaq.
Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir.
