Salı künü, mart 31-de, saat 15:00 ATR qırımtatar telekanalınıñ binasında «ATRniñ soñki iş künü» adlı matbuat konferentsiyası ötkerilecek.
Bunı telekanal Qırım.Aqiqatqa bildirdi.
Mında hatırlatalar, 2015 senesi aprel 1-den itibaren ATR işini toqtata bile. Telekanal Rusiye qanunlarına köre qayd olıp olamay.
«Telekompaniya Roskomnadzorğa bir qaç kere vesiqalarını teslim etken edi, lâkin olarnı farqlı sebeplerden keri qaytaralar. ATR mediaholdingine kirgen diger kütleviy haber vastaları – «Lâle» qırımtatar bala telekanalı, «Meydan» ve «Lider» radioları, «15 minut» saytı da aynı vaziyetke oğradılar», – dep bildireler telekompaniyada.
Mart 25-ten itibaren ATRde «ATRni öldürmeñiz!» telemarafonı başlandı. Er kes oña qoşula bile.
Matbuat konferentsiyası Aqmescitteki Mamedi Emir-Üsein soq., 14 adresi boyunca keçirilecektir. Qırımtatar kütleviy haber vastalarınıñ qapatılmasını Kiyevdeki Qırımda insan aqlarını qorçalav halqara konferentsiyasında da baqılmaqta.
