Qırımtatar halqınıñ milliy lideri Mustafa Cemilevniñ ömür arqadaşı Safinar Cemileva dey ki, işğal etilgen Qırımda qırımtatar halqını bölmek içün keçmişi qara olğan adamlarnı qullanalar.
Bunı o, Radio Svobodağa bildirdi.
«Şimdi Ukraina vaqtında bir yerde bir mevzuda qayd etilgen adamlarnı «açtılar». Ve bu adamlar ğayet uyğun. Olar olarnı tuttılar. Şimdi olarnı qullanıp, halqımıznıñ bir qısmı Rusiye akimiyetine qoltutqanını köstermege tırışalar», – dedi Safinar Cemileva.
Safinar Cemileva bunıñ kibi insanlar arasında Qırım baş naziriniñ muavini Ruslan Balbekni ayttı. Mustafa Cemilevniñ bildirgenine köre, Balbek «TES-tur» turistik şirketiniñ paranı hırsızlağanından sebep mahkeme etilgen edi. Balbekniñ özü bunı red ete.
