Qırımda eñ yaqın vaqıtta qırımtatarlarnıñ Ekinci cian cenkinde ğalebege qoşqan issesini tüzlegen edebiyat teşkerilecek, dep ayttı Qırım spikeriniñ muavini Remzi İlyasov.
Bunı Qırım ükümetiniñ saytı bildire.
«Qırım Cumhuriyetiniñ nazirler şurasına edebiyatnı talil etecek ve bunıñ kibi neşirlerni yasaq etecek işçi gruppasını şekillendirmek vazifesi berildi», – dedi İlyasov.
Onıñ malümatına köre, alman-faşist işğalcileri ile küreşte qırımtatar halqınıñ roli aqqında bilgilerni toplamaq içün ilmiy-ameliy konferentsiyanıñ keçirilmesi planlaştırıla.
«Konferentsiyada qırımtatarlarnıñ Ulu Vatan cenkinde ğalebeleri, partizan areketlerinde iştiraki, qırımtatar teatri, qırımtatar qadınları ve yazıclarınıñ faşistlerge qarşı küreşi muzakere etilecektir», – dep ayttı İlyasov.
Onıñ malümatına köre, Ğalebe Künü vatanperver kontserti ve qırımtatar partizanı Alime Abdunnanova aqqında oyun sanalaştırılması beklenile. Tedbirlerge Qırım mektepleriniñ talebeleri ve gençler celp etilecek, dep qayd etti spiker muavini.
