Link açıqlığı

Amnesty International: qırımtatar kütleviy haber vastalarınıñ qapatılması – farqlı tüşüngenlerni sustırmaq ıntıluvıdır


Aman-aman bütün mustaqil qırımtatar kütleviy haber vastaları, şu cümleden bala matbuat vastaları, aprel 1-de Rusiye qanunlarına köre qayd olamağanından sebep qapatılacaq, dep bildireler Amnesty International uquq qorçalayıcı teşkilâtı. Böyle etip, akimiyet farqlı tüşüngenlerni sustıracaq ola, dep qayd eteler teşkilâtta.

«Memuriy tedbir olaraq kösterilgen söz serbestligine qarşı areketler mustaqil kütleviy haber vastalarını bastırmaq, fikri başqa olğanlarnı sustırmaq ve qırımtatar halqını qorqutmaq ıntıluvı ola», – dep qayd ete teşkilât.

Mında hatırlatalar, Qırımnıñ bütün kütleviy haber vastaları 2014 senesi aprel ayında Rusiye qanunlarına köre qayd olmaq kerek ediler. Faqat qırımtatar matbuat vastalarına bunı yapmağa imkân berilmedi.

«Bu qapatuvlar Qırımda insan aqlarına qarşı areketlerniñ soñki basamağıdır», – dep ayttı Denis Krivoşeyev, Avropa ve Orta Asiya boyunca Amnesty International müdiriniñ muavini.

Mart 30-da belli oldı ki, «Golos Krıma» qırımtatar gazetası qayd oldı. Neşirniñ yañı adı – «Golos Krıma New». Cemi 6 biñ nusha çıqacaqtır.

ATR mediaholdingine kirgen «Lâle» telekanalı, «Meydan» radiosı, «Lider» radiosı, «15 minut» saytı aprel 1-den başlap işini toqtatmağa mecbur ola bileler.

XS
SM
MD
LG