Link açıqlığı

Kiyevde işğal etilgen Qırım ve onıñ tamır halqını qorçalav lektsiyasını keçirecekler


©Shutterstock

İsmail Gasprinskiy adına «Qırım Studiyaları» İlmiy merkezi işini çetel ekspertlerniñ işğal etilgen Qırım ve onıñ tamır halqını qorçalav aqqında lektsiyaları ile başlay. Tedbir salı künü, mart 31-de, Kiyevde ötkerilecektir.

Bunı Ukraina prezidentiniñ qırımtatar halqınıñ işlerinden vekâletlisiniñ matbuat hızmeti bildire.

Böylece, «İnsan aqları Avropa mahkemesinde işğal etilgen Qırım ve onıñ tamır halqlarınıñ aq-uquqlarını qorçalav mehanizmleri» mevzusında lektsiyanı Londra universitetiniñ Birkbeck College uquq professorı Bowring Bill ve Cambridge universitetiniñ tedqiqçisi Vsevolod Samohvalov oquycaqlar.

Tedbirde Pılıp Orlık adına Demokratiya institutınıñ eksperti Natalya Belitser de çıqışta bulunacaq.

Lektsiya saat 08:30 «Kıyevo-Mogılânska akademiya» milliy universitetinde başlanacaq ve inglizce keçirilecektir.

2015 senesi mart 26-da Kıyevo-Mogılânska akademiya Qırım studiyalarını meydanğa ketirmege qarar alıp, Qırım yarımadasınıñ tarihı, medeniyeti ve tabiatınıñ fenlerara tedqiqini maqsat olaraq belgiledi. Qırımnıñ qanunsız işğali ve yarımadanıñ cenk işğali şaraitlerinde yaşayışına büyük diqqat ayırıla.

XS
SM
MD
LG