Qırımnıñ Rusiye ükümetiniñ başı Sergey Aksönov Andrey Bezsalovnı naqliyat naziri vazifesine tayinledi.
Aksönovnıñ mütenasip avalesi mart 30 künü Qırım Nazirler Şurası saytında aşkâr etildi.
«Qırım Cumhuriyeti Anayasasınıñ 82-nci maddеsine binayen, «Qırım Cumhuriyetiniñ devlet vazifeleri aqqında» Qırım Cumhuriyeti Qanunınıñ 7-nci maddesi birinci qısmınıñ üçünci qaidesine köre Bezsalov Andrey Georgiyeviçni Qırım Cumhuriyetiniñ devlet vazifesi – Qırım Cumhuriyeti naqliyat naziri vazifesine tayinlemege avale etem», – denile emirde.
Bundan evel Qırımda naqliyat naziri vazifesini Anatoliy Tsurkin eda ete edi, keçken afta onı Qırım başınıñ muavini vazifesine tayinlediler.
