Link açıqlığı

Saatnıñ esas haberi

Qırımda Şevçenko hatırasına keçirilgen aktsiyanıñ daa bir iştirakçisine «mecburiy işlerni» maküm ettiler


Aqmescit Demir yol rayon mahkemesinde mart 30 künü Aqmescitte mart 9-da ukrain şairi TarasŞevçenko hatırasına keçirilgen aktsiyada iştirak etken Kurtseit Abdullavniñ işi boyunca mahkeme toplaşuvı keçti. Oña 20 saatlik mecburiy işlerni maküm ettiler.

Qırım.Aqiqat mühbiri aytqanı kibi, Kurtseit Abdullayevni tedbirlerniñ keçirüv nizamına riayet etmeyip, «Qırım – Ukrainadır» yazısı ile Ukraina bayrağını köstergeni içün qabaatlı tanıdılar.

Abdullayev qabaatını tanımay ve itiraz bildirecek ola.

Malüm olğanı kibi, Aqmescitte «politsiya» hadimleri Şevçenko doğğan kününe bağışlanğan mitingniñ teşkilâtçısı Leonid Kuzmin ve daa eki iştirakçini yaqaladılar. Politsiya hadimleriniñ sözlerine köre, sebep – mitingde ukrain timsalleriniñ olması. Mahkeme üç faalni mecburiy işler ile cezaladı. Faaller mahkeme qararına şikâyet ettiler.

XS
SM
MD
LG