Link açıqlığı

Mecburen köçip kelgenlerni Ukraina İçtimaiy siуаset nazirliginiñ memurları ile körüşüvge davet eteler


Qırım ve Donbasstan mecburen köçip kelgenlerni Ukraina İçtimaiy siуаset nazirliginiñ memurları ile körüşüvge davet eteler. Mında memurlarğa bütün rastketirgen problemalar boyunca sual bermege mümkün olacaqtır.

Bunı KrımSOS göñülli cemaat teşkilâtı bildire.

«Uquq çıqarıcı alanında şahsiy ihtiyaclarnıñ teminlevinde öz aqlarını qullanuv usulları añlatılacaq. Ukraina İçtimaiy siуаset nazirliginiñ mütehassısları maruzaları ile çıqışta bulunacaq», – deyler teşkilâtta.

Körüşüv aprel 2 künü saat 19:00 Bastionnaya soqağı, 11-inci ev adresi boyunca yerleşken Kiyev şeer veteranlar evinde keçirilecek.

Tedbirge qoşulmağa istegenler anketanı toldurmaq, ya da +38(095)031-53-97 telefon nomerası boyunca qayd etilmek kerektirler.

Ukraina fevqulâde vaziyetler boyunca Devlet hızmetiniñ malümatına köre, mart 30 kününe vaqtınca işğal etilgen territoriyalardan ve ATO zonası civarındaki rayonlardan Ukrainanıñ diger regionlarına 810 biñ 45 insan köçti eken, olardan 789 biñ 656 insan Donetsk ve Lugansk vilâyetlerinden, Qırım ve Aqyardan – 20 biñ 389 insan.

XS
SM
MD
LG