Kiyevniñ memuriy mahkemesi mart 30 künü «Ukraina Kommunist firqasınıñ» yasaqlığı boyunca işni baqacaq.
Bunı Ukraina adliye Nazirliginiñ matbuat hızmeti bildire.
«2015 senesi mart 30 künü, bazarertesi, saat 10:30 Kiyev memuriy mahkemesinde Ukraina adliye Nazirliginiñ itirazı boyunca «Ukraina Kommunist firqası»na nisbeten açılğan iş baqılacaq (firqanıñ yasaq etilmesi aqta)», – denile beyanatta.
Cumaertesi, mart 28-de, Rusiye kommunistlerniñ toplaşuvında Ukraina Kommunist firqasınıñ yetekçisi Pötr Simonenkonı RFKF prizidiumına sayladılar.