Link açıqlığı

Saatnıñ esas haberi

Qırımnıñ işğalden soñ taqdiri aqta Rusiyede AQŞ elçihanesiniñ infografikası

Salı künü, mart 31-de, Kiyevde «Qırımda insan aqları: esabat beremiz, seslenemiz, ğayrıdan pekitemiz» halqara konferentsiyası keçirilecek.

Uquq qoruyıcı teşkilâtında deyler ki, konferentsiya maqsadı – cemaatçılıq, ukrain akimiyeti ve halqara toplulığınıñ Qırımda insan aq ve serbestliginiñ pekitilmesi boyunca effektiv yollarnıñ qıdıruvı içün imkânlarınıñ birleşüvidir.

Konferentsiya iştirakçileri – Ukraina, Rusiye, Moldova uquq qoruyıcı teşkilâtları, Ukraina Yuqarı Şurası, Nazirler kabineti, Ukraina prezidentiniñ Memuriyeti, halqara uquq qoruyıcı teşkilâtlarınıñ, halqara diplomatik eyyetleriniñ temsilcileridir.

Tedbirniñ teşkilâtçıları – Ukraina Yuqarı Şurasınıñ insan aqları boyunca Vekâletlisiniñ Kâtibiyeti, İnsan aqları boyunca haber merkezi, Vatandaşlıq serbestlik merkezi, İnsan aqları boyunca Ukrain Helsing birligi, «Almenda» vatandaşlıq maarif merkezi, İnsan aqları boyunca yaşlar areketi (Rusiye).

Konferentsiyanı Ukrainada Birleşken Milletler Teşkilâtınıñ inkişaf programması yardımı ile keçireler.

Konferentsiya Kiyevde Hilton musafirhansinde keçecek.

Evel Qırım vaziyetini nezaret etken uquq qoruyıcı teşkilâtlar Qırımnıñ bir yıllıq işğali devamında yerli akimiyet başqace tüşüngenlerge nisbeten qarşılıqnıñ er bir usulını qullanğanı aqta bildirdi. Olarnıñ fikrine köre, eñ ağır vaziyette qırımtatarlar qaldı.

XS
SM
MD
LG