Ukraina Qırımnı Kreml intizarından evel qaytarır, – dedi Qırımtatar Milliy Meclis reisi Refat Çubarov «112 Ukraina» telekanalınıñ efirinde mart 29 bazar künü.
«Glavkom» bildirgeni kibi, Çubarov programmada memlekette qaparcılıq seviyesi eksilgenini bildirdi.
Çubarov Qırımğa qanunsız sürette bile barmağa imkânı olmağanını da qayd etti ve «Ukraina Qırımnı Kreml intizarından evel qaytarır» degen fikrini beyan etti.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
