Ğalebe Kününe qum animatsiya ustası Kezlevli Kseniya Simonova «Kelecekniñ keçmiş tarafı» kontsert-spektaklni azırlaycaq.
Sanada qum animatsiya ve qar grafikası yardımı ile Ulu Vatan cenkiniñ vaqialarını kösterecekler. «Çıqış kontsert, icadiy körüşüv ve drama spektakli şeklinde keçirilecek. Esas ğaye – Ulu Vatan cenki ve cenk balaları aqqında yañı icadiy şekilde tarif etmektir»,– dedi Simonova «Krım Media» agentligine.
Spektaklni mayıs ayında kösterecek olalar. Kösterüv yeri olaraq Aqmescit, Aqyar, Kefe, Keriç, Yalta ve Kezlev şeerleri baqıla. Şeerni içtimaiy ağlarda rey berüv vastası ile saylaycaqlar.
