Link açıqlığı

Amerika Qoşma Ştatlarında qırımtatarlar ve ukrainler ATR telekanalına qoltutuv aktsiyasını keçirecekler


ATR telekanalına qoltutmağa kelgen adamlar, 2015 senesi yanvar 26 künü

Amerika Qoşma Ştatlarında qırımtatar diasporası ukrain diasporası ile beraber bazar künü, mart 29-da, Rusiyeniñ New Yorktaki Baş konsullığı yanında ATR telekanalına qoltutuv piketini ötkerecekler. Bunı tedbir faali Sevil Sevdiyar bildirdi. Tedbir yerli saatke köre saat 13-ten 15-ke qadar devam etecek.

«Bizler Rusiyeden ATRni qapatmaq ğayesinden ya da ATR adını Putinge qoltutuv teşviqatında qullanmaqtan vazgeçmesini talap etecekmiz» ve litsenziyanı saqlap qalmağa çağıracaqmız, çünki unikal bir qırımtatar telekanalı aqqında laf kete», – dedi Sevdiyar.

Onıñ aytqanına köre, toplaşqanlar Qırımda söz serbestligi, matbuat serbestligi ve alâqalar yasağına qarşı narazılıq bildirecekler.

Hatırlatamız, cumaertesi künü, mart 28-de, Kiyevde Mustaqillik Meydanında «ATRni öldürmeñiz!» aktsiyası keçirilecek. Tedbirni Qırımtatar gençler merkezi, «KrımSOS» cemaat teşebbüsi ve Qırımtatar halqınıñ aq-uquqlarını qorçalav komiteti teşkil eteler.

XS
SM
MD
LG