Link açıqlığı

Ukrainada Qırımğa bağışlanğan mektüp pullarını derc ettiler


«Maydan poçtası» cemaat teşkilâtı Qırımğa bağışlanğan hatıralıq mektüp pullarını çıqardı. Bunı Kiyevde keçirilgen birifngde «Maydan poçtası»nıñ reisi Yuriy Reglis bildirdi, haber ete Qırım.Aqiqat mühbiri.

«Qırım – Ukrainadır» mektüp pulları bir mevzu üzerinde birleşken dört süjetten ibarettir. Olarda Qırım Ukrainağa bağlı olğanını tasdiqlağan tarihiy, medeniy ve diger degerlikler tasvir etilgen», – dedi Reglis.

Birinci marka Petro Sagaydaçnıy yolbaşçılığında Kefe mudafaasına bağışlanğan, ekincisinde Aqyardaki Kiyev knâzi Vladimirniñ Kilsesi, üçüncisi – Şimaliy-Qırım kanalı, dörtüncisinde yarımadada yaşağan halqlarnı aks etken resimler tavsirlengen.

«Qırım – Ukrainadır» hatıralıq mektüp pulu ile mektüpni, raatlıq künleri Mustaqillik Meydanında olğan «Maydan poçtası»na kelip, yollamaq mümkün. Pullarnıñ deci BMTnıñ Ukraina topraq bütünligi aqta rezolütsiyasınıñ qabul etüv yıllığına bağışlanğan.

2014 senesi fevralniñ soñunda – martnıñ başında Rusiye ve Rusiyeniñ Qara deñiz flotunıñ qırım bölüklerinden ordular Qırım yarımadanı zapt ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG