Link açıqlığı

Eger de ATR qırımtatar telekanalı aprel 1-ne qadar qayd etilmese, Qırımda «sahte» telekanal peyda ola bile. Bunı cumaaqşamı künü, mart 26-da, ATR baş müdir muavini Lilâ Bucurova «Gravitatsiya» evirinde bildirdi», – haber ete «15 minut».

«ATR efirlerini nasıldır bir kontora yazıp ala, aprel 1-de yayınlavımız toqtasa, ATR aqiqiy resimi yerinde mına bu yazılğan resimni kösterecekler», – dey Bucurova.

O, qırımtatar telekanalı aprel 1-ne qadar Rusiye qanunlarına köre qayd etilecegine ümüdini bildirdi.

«Amma sizge sahte kanalnı taqdim ete bileler, buña azır oluñız», – dedi Bucurova.

ATR Rusiye qanuniyetine köre qayd etüvniñ elde etilmesi aqta Roskomnadzordan bir qaç kere red cevabını ala edi. Telekanalda tüşüneler ki, aprel 1-den yayınlavı toqtatıla bilecek. Bu sebepten Rusiye prezidenti Vladimir Putinge bir sıra muracaat yollanılğan edi.

Mart 24 künü Moskvada Qırımnıñ Rusiye akimiyetiniñ başı Sergey Aksönov ATR qırımtatar telekanalınıñ yayınlavı ile bağlı problemler mahsus ziddiyetni doğurtmaq maqsadı ile yapılğan muhalifetniñ areketidir dep aytqan edi. Bundan evel Aksönov ATR telekanalınıñ işini takbih etti ve böyle siyaseti olğan matbuat vastalarınıñ yarımadada çalışuvı mümkün olmağanını bildirdi.

Mart 25-den telekanal efirinde bu munasebet ile er kün «ATRni oldürmeñiz» telemarafonı keçirilecek.

XS
SM
MD
LG