Frenkistannıñ sabıq prezidenti Valéry Giscard d’Éstaing «Frenkistan-Rusiye dialogı» birliginiñ konferentsiyasında Qırımnıñ Rusiye tarafından işğali «tarih ketişatına uyğun kelgenini» bildirdi», – dep bildire siyasetçiniñ sözlerini mart 26 künü TASS.
«Qırım evel Ukraina tarafından degil de, Rusiye tarafından feth etilgenini aqılda tutmaq kerek. İleride de yarımada Rusiye vilâyeti edi. Rusiye halqı – ulu halqtır. Sadece qomşu degilmiz ki, bir birimizni ürmet etmelimiz», – dedi o.
Neşirniñ malümatına köre, siyasetçi Ukraina buhranınıñ yoq etilmesinde «devlet sıñırında bitaraf statusı ile muayyen konfederatsiyanıñ teşkil olunması» yardım etecegini bildirdi.
«Ukrainağa kelgende, anda öz qısımlarını ürmet etecek ve Rusiye ile Avropa arasında bağlayıcı bir köpür olacaq bir konfederatsiya teşkil etilmeli», – dedi siyasetçi.
Ukraina devletiniñ islâatlarını belgilemek içün, dey Giscard d’Éstaing, halqara konferentsiyalarnı keçirmek kerek.
Valéry Giscard d’Éstaing 1974-1981 seneleri Frenkistan prezidenti edi.
