Link açıqlığı

Ukraina baş prokuraturası devlet hainliginde şeklengen 76 Qırım deputatını qıdıruvğa ilân etti


Ukraina baş prokuraturası Qırım Yuqarı Şurasınıñ 76 deputatını qıdıruvğa ilân etti. Bunı cumaaqşamı, mart 26-da, Baş prokuraturanıñ cemaatçılıq ve matbuat vastaları ile alâqa boyunca İdaresinde bildirdiler.

Baş prokuraturada deyler ki, mahkemeniñ mülkniñ tutıp alınuvı boyunca ola bilecek qararınıñ amelge keçirilmesini temin etmek maqsadı ile işbu şahıslarnıñ 1,2 milliard grivna miqdarında mülki apis etildi.

Taqiqatçınıñ qararı ile şeklengenler qıdıruvğa ilân etilgenler.

Malüm olğanı kibi, 2015 senesi fevral 28-de Qırım Yuqarı Şurasınıñ 76 sabıq deputatı boyunca mezkür muracaatlar yazılıp, mart 2 künü Ukrainada Rusiye Federatsiyasınıñ elçihanesinden şeklengenlerge yollanıldı.

XS
SM
MD
LG