Link açıqlığı

Polozov: Moskva Basman mahkemesiniñ mahkemecisi red etüvi boyunca muracaatnı qabul etmedi


Moskva Basman mahkemesiniñ mahkemecisi ukrain uçucısı Nadejda Savçenko imayesiniñ onıñ red etüvi boyunca itirazını qabul etmedi. Bunı twitterde adliyeci Nikolay Polozov bildirdi.

İmayeciniñ sözlerine köre, mahkemeci toplaşuv odasına çıqtı, – haber ete Radіo Svoboda.

«Mahkemeci Karpov Savçenkoğa söz bermeyip, çıqıp ketmege aşıqtı. Toqtattılar. Nadejda aytacağını ayttı», – yazdı Polozov.

Moskvanıñ Basman mahkemesi toplaşuvında adliyeciler Rusiye Taqiqat komitetiniñ Savçenkoğa nisbeten eki cinaiy işni birleştirmek qararına itiraz bildireler. Şu cümleden, Rusiye jurnalistleriniñ ölümi ve Rusiye sıñırından qanunsız keçüvi ile bağlı işler.

Mahkeme toplaşuvına ketirilgen Savçenko imayesi mahkemeciniñ red etüvini talap etti.

Mahkeme salonında ekim buluna, – haber ete adliyeci Nikolay Polozov. Onıñ sözlerine köre, «Nadejda Savçenko ile qafesni 12 politsiya hadimi qoruy».

Evel Savçenko Rusiye ekimleri onı sağlığından sebep mahkemege yollamağanlarını bildirgen edi. Mart 16 künü Savçenko açlığına devam etti.

Bıltır dekabr ayında o, tevqifke qarşı narazılıq açlığını ilân etti. Mart 5 künü Savçenko adliyecileri onıñ 80 kün devamında tutqan açlığınıñ vaqtınca toqtatıluvı aqta bildirdiler.

Rusiyede Savçenkonı Donbassta Rusiye jurnalistleriniñ ölüminde ve sıñırdan qanunsız sürette keçüvinde qabaatlaylar. Ukrainli bunı red ete.

XS
SM
MD
LG