Link açıqlığı

Nadejda Savçenkonı Moskva mahkemesine ketirdiler, imayesi mahkemeciniñ redini ilân etti


Moskvanıñ Basman mahkemesine Rusiyede apiste bulunğan ukrain uçucısı, halq deputatı Nadejda Savçenkonı ketirdiler. Toplaşuvda adliyeciler Rusiye Taqiqat komitetiniñ Savçenkoğa nisbeten eki cinaiy işni birleştirmek qararına itiraz bildirecekler. Şu cümleden, Rusiye jurnalistleriniñ ölümi ve Rusiye sıñırından qanunsız keçüvi ile bağlı işler.

Mahkeme toplaşuvına ketirilgen Savçenko imayesi mahkemeciniñ red etüvini talap ettiler,– haber Radіo Svoboda.

Mahkeme salonında ekim buluna, – haber ete adliyeci Nikolay Polozov. Onıñ sözlerine köre, «Nadejda Savçenko ile qafesni 12 politsiya hadimi qoruy».

Evel Savçenko Rusiye ekimleri onı sağlığından sebep mahkemege yollamağanlarını bildirgen edi. Mart 16 künü Savçenko açlığına devam etti.

Bıltır dekabr ayında o, tevqifke qarşı narazılıq açlığını ilân etti. Mart 5 künü Savçenko adliyecileri onıñ 80 kün devamında tutqan açlığınıñ vaqtınca toqtatıluvı aqta bildirdiler.

Rusiyede Savçenkonı Donbassta Rusiye jurnalistleriniñ ölüminde ve sıñırdan qanunsız sürette keçüvinde qabaatlaylar. Ukrainli bunı red ete.

XS
SM
MD
LG