Link açıqlığı

Kiyevde «Qırım diasporası» köçip kelgenler içün mesken almaşuv programmasını teşkil etti


«Qırım diasporası» teşkilâtınıñ başı Anatoliy Zasoba

Kiyev yatırımcıları paytahtnıñ yañı evlerinde 50 daireni Qırımdaki meskenlerge deñiştirmege azır. Bunı Qırım.Aqiqat mühbirine «Qırım diasporası» teşkilâtınıñ başı Anatoliy Zasoba bildirdi.

Onıñ sözlerine köre, birinci almaşuv endi keçti, Kefeden köçip kelgenler öz bir köz dairesini 2015 senesi avgust-sentâbrde azır olacaq yañı dairege deñiştirdiler.

«Qurucılıq obyektlerinde insan qurulış ketişatını köre, evniñ bir qısmı azır, adamlar anahtar alıp, yaşamağa başlağanını köreler. İnsan bu evde daireni satın alğanı aqta añlaşmanı öz adına resmiyleştireler», – dey Anatoliy Zasoba.

O şunı da qayd etti ki, vesiqalarnıñ resmiyleştirüvi Kiyevde keçe, böylece, köçip kelgenlerge işğal etilgen territoriyağa bile barmağa acet yoq. Tekliflerniñ elektron qayd etüviniñ bir künü içinde almaşuvnı keçirmege istegen 30 insan tapıldı.

Aynı zamanda Ukraina içtimaiy siyaset nazirligindeki qaynaq Qırım.Aqiqatqa bildirgeni kibi, nazirlik bu kibi almaşuv leyhalarına muqaytlıqnen yanaşa, çünki bunı şahsiy teşkilâtlar yapa ve köçip kelgenlerge iç bir kefalet berilmey.

XS
SM
MD
LG