Link açıqlığı

Odessa limanına La Fayette gemisi ziyaret ile keldi – arbiy gemi Frenkistan Cumhuriyetiniñ Arbiy deñiz quvetlerine ait. Bunı Ukraina Mudafaa nazirliginiñ matbuat hızmeti bildire.

Nazirlikniñ malümatına köre, ziyaret programmasına köre gemi komandanınıñ Odessa şeer şurası, vilâyet devlet memuriyeti ve Ukraina silâlı quvetleri Arbiy deñiz quvetleriniñ komandanlığında körüşüvleri olacaq, dostluq futbol matçı ötkerilecek.

Bundan ğayrı, «Ukraina SQ ADQ ve Frenkistan Cumhuriyetiniñ ADQ gemilerinde azırlıq meseleleri boyunca Frenkistan Cumhuriyetiniñ ADQ La Fayette gemisi ve Ukraina ADQ «Getman Sagaydaçnıy» gemisiniñ hadimleri bir-birinen tecribesinen paylaşacaqlar», – aytıla beyanatta.

Frenkistan gemisiniñ ziyareti mart 26-dan mart 30-ğa qadar devam etecek.

XS
SM
MD
LG