Link açıqlığı

Lvivde mart 28 künü qırımtatar tili boyunca bedava kurslarnı açalar. Bunıñ teşebbüsçileri – «Krım SOS» cemaat teşebbüsi ve « Lvivdeki Qırım evi» qırımtatar medeniy evi.

Teşkilâtçılar öz Facebook saifesinde bildirgeni kibi, qırımtatar tili dersleri em 6-14 yaşında balalar, em büyükler içün keçirilecek.

Kurs diñleyicileriniñ til bilüv seviyesine köre, insanlarnı eki gruppağa bölecekler.

Evel Qırım.Aqiqat bildirgeni kibi, Ukraina paytahtında da qırımtatar til ve medeniyetini ögrenmek içün imkân artıq bardır.

Qırımtatar ve ukrain tilleriniñ ögrenüvi boyunca programma Kiyev şeer devlet memuriyeti, Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ desteginen Qırımtatar bala icadı Merkezi ile işbirlik çerçivesinde «Aile evi» tarafından azırlanıla.

XS
SM
MD
LG