Mart 25-te Ukraina prezidenti Petro Poroşenko Avstriya tış işler naziri Sebastyan Kurts ile körüşip, Avstriyanı sabıq prezident Viktor Yanukoviçniñ rejimi ile çıqarılğan sermiyanıñ keri qaytarılmasına yardım etmege çağırdı, dep bildire devlet yolbaşçısınıñ matbuat hızmeti.
Bunıñnen beraber, körüşüvde Poroşenko Donbasstaki vaziyet aqqında tarif etip, Avstriyağa regionğa bergen gumanitar yardımı içün teşekkürler bildirdi.
Prezidentniñ qayd etkenine köre, akimiyet yalıñız havfsızlıq meselesine degil, islâatlar keçirilmesine de diqqat ayıra.
Devlet yolbaşçısı Avstriya biznesiniñ vekillerini Ukrainağa yatırım yapmağa ve keçirilmesi aprel ayına planlaştırılğan Ukrainağa qoltutuv halqara konferentsiyasında iştirak etmege çağırdı.
