Link açıqlığı

Qırım ve Moskva vilâyeti işbirlik aqqında añlaştılar


Qırım yolbaşçısı Sergey Aksönov Moskva vilâyetiniñ valisi Andrey Vorobyov ile regionlar arasında ticariy-iqtisadiy, ilmiy-tehnik ve medeniyet emekdaşlığı aqqında añlaşma tizdiler. Qırım ükümetiniñ matbuat hızmeti bildire ki, bu añlaşma Qırım Cumhuriyeti ve Moskva vilâyeti arasında işbirlik aqqında imzalanğan ilk resmiy vesiqadır.

Aksönov bildirdi ki, Moskva vilâyeti «Qırım baariniñ birinci künlerinden itibaren» Qırımğa yardım etken edi.

Andrey Vorobyov işbirlikniñ esas saalarını qayd etti: köy hocalığı ve aşayt bazarı, turizm ve şifahane-kurort tedaviylevidir.

«Bizde bu yolda em Qırım, em de Moskva vilâyetine kerek olğan büyük programma bar. «Krımskoye podvorye» programması ekologik temiz malnıñ müimligini, Qırımdaki fermacılarğa qoltutuv ne qadar müim olğanını köstere, ve bizler onı inkişaf ettirecekmiz. Bundan ğayrı, Qırımnı ziyaret etkenler sağlam ve raat olıp qaytmaq kerekler. Adamlar körgen keyfiyet standartlarğa uyğundır. Bu eki yol esas ola», – dep qayd etti Moskva vilâyetiniñ valisi.

Qırım yolbaşçısı Sergey Aksönovnıñ aytqanına köre, «Krımskoye podvorye» şirketi Moskva vilâyetinde 200 tükânnı açmağa planlaştıra. Bunıñ kibi tükânlarnıñ Rusiyeniñ diger regionlarında açılması da beklenile.

XS
SM
MD
LG