Link açıqlığı

Saatnıñ esas haberi

Memur, iş adamları ve cemaat vekillerinden ibaret olğan Türkiye eyyeti Qırım musulmanları Diniy idaresiniñ baş ofisini ziyaret etti. Bunı çarşenbe künü, mart 25-te, QMDİ matbuat hızmeti bildire.

«Qırım müftisi acı Emirali Ablayev Qırım musulmanları Diniy idaresiniñ işi aqqında tarif etip, Müftiyat 23 yıldan berli yarımada musulmanlarınıñ birlik-beraberlikte yaşaması ve ilerilemesi, camilerniñ qurucılığı, musulman din inşaatlarınıñ qaytarılması ve tariqatlarnıñ tarqalmaması içün çalışqanını qayd etti», – aytıla beyanatta.

Eyyet ile beraber Qırım baş naziriniñ muavini Ruslan Balbek ve Milletlerara munasebetler ve sürgün olunğan grajdanlarnıñ işleri boyunca devlet komitetiniñ reisi Zaur Smirnov keldiler.

Malüm ki, Türkiye eyyeti Qırımda yarımadadaki vaziyetni nezaret etmek maqsadı ile bulunmaqta.

Türkiye tış işler naziri Mevlüt Çavuşoğlu keçken sene noyabr ayında Kiyevde yarımada işğalinden soñ qırımtatarlarnıñ vaziyetini ögrenmek içün Qırımğa ekspertler gruppasını yollamaq ğayesi aqqında bildirgen edi.

Türkiye Tış işler nazirligi mart 15-te bildirdi ki, Rusiye qırımtatarlar ile bağlı vadelerni yerine ketirmey.

Türkiye prezidenti Recep Tayip Erdoğan mart 20-de Kiyev ziyareti devamında onıñ memleketi qırımtatarlarnıñ aq-uquqlarını halqara alanda qorumağa devam etecegini bildirdi.

XS
SM
MD
LG