Ukraina parlamentinde «Qırım Yuqarı Radasınıñ deputatları, yerli şura ve köy, qasaba, şeer yolbaşçılarınıñ saylavları aqqında» qanun leyhasını azırlaycaq ekspertler gruppası meydanğa ketirildi. Bu gruppa aprelniñ soñuna qadar qanun senetini azırlamaq kerek.
Bunı çarşenbe künü, mart 25-te, Yuqarı Rada reisi Vladimir Groysman PACE Nezaret komitetiniñ Avropa Şurası devlet azalarınıñ vazifelerini yerine ketirüv boyunca maruzacıları Maylis Reps ve Jan-Klod-Minyon ile körüşüvde bildirdi.
Ukraina Yuqarı Radasınıñ resmiy saytı bildire ki, Vladimir Groysman saylav qanunları «bir de bir vaziyetke köre degil, memleketke köre» azırlanmaq kerekligini qayd etti.
Körüşüvde Ukraina islâatlarınıñ ketişatı, şu cümleden anayasa islâatı ve saylav qanunları islâatları muzakere etildi.
