Link açıqlığı

Minskte Azatlıq künü yürüşinde «Qırım – Ukraina» ve «Rusiye cenktir» levhalarını taşıdılar


Minsk, Azatlıq Künü yürüşi, 2015 senesi mart 25 künü

Aqrusiyeniñ paytahtı Minsk şeerinde çarşenbe künü, mart 25-te, Azatlıq Künü munasebeti ile yürüş başlandı.

Radıyo Svaboda Aqrusiye muarririyeti bildire ki, bir çoq adam Ukraina bayrağı ile kelip, «Qırımnı – Ukrainağa, bahtnı – memleketke» kibi levhalarını köterdi.

Neşirniñ malümatına köre, bazı adamlar yürüşke ukrain milliy kölmeklerni kiyip keldiler. Levhalar arasında – belorus tiline qoltutmaq çağıruvları, «Siziñ ve bizim serbestligimiz içün», «Rusiye – cenktir», «Bugün Ukrainanı parçalaylar, yarın bizge kelirler!» ve «Tüşüñ!».

Radıyo Svaboda muarririyeti yürüşni twitterde ve canlı yayında köstere.

Azatlıq Künü – resmiy olmağan bir milliy bayram, 1918 senesi Aqrusiye Halq Cumhuriyetiniñ peyda oluv yıllığıdır, 1990-ıncı seneleriniñ başından berli Minskte ve Aqrusiyeniñ diger şeerlerinde buña bağışlanğan siyasiy aktsiya, miting ve yürüşler ötkerilmektedir.

XS
SM
MD
LG