Link açıqlığı

Yıl evelsi, 2014 senesi mart 25 künü, Rusiye tarafından yarımadanıñ işğali başlağanınen, Radio Svobodanıñ üç tilli leyhası – Qırım.Aqiqat saytı meydanğa ketirildi.

İşğal etilgen yarımada vaziyeti, Ukraina ve dünyanıñ işğalge olğan yanaşuvı aqqında tarif etken Qırım.Aqiqat saytı Qırım informatsion meydanında liderlerden biri ve rus, ukrain ve qırımtatar (latin urufatı) tillerinde malümatnı azırlağan yekâne internet resursı oldı.

Qırım.Aqiqat saytını em yarımada, em de tışında oquylar. Muarririyetniñ malümatına köre, çoq millionlı oquyıcılarnıñ esas qısmı – qıtaiy Ukraina sakinleri, esasen, memleketniñ şimal ve cenübinde yaşağаnlar. Qırım ve qıtaiy Ukrainadan ğayrı, oquyıcılarnıñ 10 % – Rusiye Federatsiyasınıñ sakinleridir.

Qırım.Aqiqat oquyıcıları bütün sabıq sovet meydanında bardır, internet-resurs Avropa ve dünyanıñ aman-aman er memleketinde yaşağan insanlar içün haber ceryanı oldı.

Qırım.Aqiqatnıñ türlü malümatı – haber, maqale, blog, foto ve video bölükleri – Qırımnıñ işğal ayatını olğanı kibi köstere. Qırımlılarnıñ bir qısmı Qırım.Aqiqatnıñ blogerleri olıp, metnlerini saytta derc eteler.

XS
SM
MD
LG