Moskva merkezinde belgisiz şahıslar Bоris Nemtsovnıñ hatıra timsallerini aramladılar, dep bildirdi twitterde muhalifniñ safdaşı İlya Yaşin.
Nemtsovnıñ portretlerinde aqaretleyici yazılar qaldırıldı. «Nemtsov köprü»ne köstergen adres levhaçığı bozulğan.
Vandallıq aqqında bildirüvler salı künü aqşam içtimaiy ağlarda peyda oldı. Beyanatqa bu areketni ete bilgen dört qadın ve üç erkekniñ fotoları qoşluğan.
Aktsiya mesülietini özüne «SERB azatlıq areketi» aldı. Uquq qoruyıcı organlarınıñ areketleri aqta şimdilik bir şey belli degil.
İnsanlar endi er şeyni cıyıştırdı ve Boris Nemtsovnıñ ölümi yerine yañı çeçek ve çıraqlarnı ketirdiler.
Boris Nemtsov fevral 27 künü Moskva merkezinde öldürildi. Öldürüvge alâqası olğanında beş insan qabaatlana. Rosbalt agentlikniñ malümatına köre, şimdi iş şaatı olaraq sorğuğa çekilecek Rulsan Geremeyev tapıldı. O, Calka çeçen köyünde buluna, itibarlı çeçen ailesiniñ azası ola. Novaya gazetanıñ bergen malümatına köre, o, Çeçenistan Federatsiya Şurasınıñ azası ve Devlet Duma deputatı Adam Delimhanovğa torun ola. Onıñ adı Zaur Dadayevniñ sorğusı vaqtında ortağa çıqtı.
