Keriç keçiti mart 25 künü saat 15-ke qadar işlemeycek.
Bunı Yekâne naqliyat müdirligi bildire.
«Keriç keçiti bugün «Qırım» limanında tamir işlerniñ alıp barılmasından sebep 6:45 – 15:00 saatleri arasında çalışmaycaq. Faqat, «Kavkaz» limanından Keriç deñiz ticariy limanına «Glükofilousa» paromı qatnaycaqtır», – deyler müessisede.
Müdirlikniñ malümatına köre, saba çarşenbe künü, «Kavkaz» limanında nevbette 500 yengil, «Qırım» limanında – 5 yengil maşina tura edi.
Krasnodar diyarı tarafından yük yolağında 1476 maşina qayd etilgen. Olardan Novorossiysk – Keriç deñiz ticariy limanı marşrutı boyunca 240, Kavkaz – Qırım limanı marşrutı boyunca – 1236 maşina çıqacaq ola.
Qırım tarafından 414 yük maşinası qayd etilgen. Keriç deñiz ticariy limanı – Novorossiysk limanı – 46 maşina, Qırım-Kavkaz limanları – 366 maşina nevbbette tura.
Keriç parom keçitinde iskele tamirine yañı yıl bayramlarından soñ başladılar.
