Link açıqlığı

Saatnıñ esas haberi

Aksönov ATR telekanalınıñ taqdiri mart 24 künü nasıldır bir körüşüvde çezilecegine ima etti


Qırımnıñ şimdiki başı Sergey Aksönov aytqanı kibi, ATR qırımtatar telekanalınıñ taqdiri «şirketniñ Rusiye qanunları boyunca qayd etüvge berilgen vesiqalarğa köre, federal seviyede al etilecek».

Bunı salı künü mart 24-de Moskvada keçirilgen matbuat konferentsiyasına bildirdi, – haber ete «Novosti Krıma».

Onıñ sözlerine köre, mart 21 künü o telekanal baş müdiriniñ muavini Lilâ Bucuorva ile körüşti.

«Qırım akimiyetiniñ mevamını añlattım, Qırım Cumhriyetinde Ukraina menfaatını qorumaq – mümkün olmağan ve bugün eali içün zarar ketirgen bir areket olğanını añlattım», – dedi o.

Aksönov şunı da qayd etti ki, onıñ fikrine köre, ATR telekanalınıñ ğayrıdan qayd etüvde «Roskomnadzor tarafından vesiqalarnıñ berilmemesi içün pretsedentniñ aselet meydanğa ketirilmesi mümkün».

«Kanal etrafında ziddiyetni doğurtmaq içün mahsus hatalarnı yapalar»,– dey Aksönov.

Onıñ sözlerine köre, mart 24 künü ATR taqdiri ile bağlı «körüşüv» ötkerilecek.

«Telekanal yolbaşçılığı ile bugün bu meseleni al etecegimiz aqqında añlaştıq. Qırım telekanallarına qol tutmaq içün akimiyet zaruriy ve qanuniy areketlerni yapacaq», – dedi Aksönov.

Mart 20-de ATR qırımtatar telekanalı Roskomnadzor mektübini aldı. Oña binaen, telekompaniyanıñ Rusiye qanunlarına köre kütleviy haber vastası olaraq qayd olmaq içün bergen arizası kene de baqılmayıp red etildi. Telekompaniya Roskomnadzorğa vesiqalarnı bir qaç kere bergen edi, amma olarnı qaytaralar.

ATR mediaholdingine kirgen diger kütleviy haber vastaları – Lâle qırımtatar bala telekanalı, «Meydan» radiosı ve «Lider» radiosı, em de «15 minut» haber agentligi aynı vaziyetke oğradı.

Qırım ükümetiniñ yolbaşçısı Sergey Aksenov ATR işini tenqid etip, bunıñ kibi siyaseti olğan kütleviy haber vastaları yarımadada çalışamaz.

ATR telekanalınıñ reberligi 2015 senesi aprel 1-den soñ işine devam etip olamaycaqlarını tahmin ete. Bu mesele mart 16-da Jenevada Birleşken Milletler Teşkilâtınıñ İnsan aqları komitetinde muzakere etilgen edi.

Telekanalnıñ işi toqtatıla bile dep, seyirciler ve faal cemaat Rusiye prezidenti Vladimir Putinge yarımadada milliy kütleviy haber vastalarını saqlap qalmaq açıq muracaatını yolladılar.

XS
SM
MD
LG