Link açıqlığı

Rusiye akimiyeti tarafından Qırımğa kirişi yasaq etilgen Qırımtatar Milliy Meclis reisi Refat Çubarov Rusiyeniñ işğalinden soñ vaziyeti kerginleşken vatandaşlarını yarımadanı terk etmemege çağıra, – dep haber ete Radio Svoboda.

Mart 24 künü Brükselde Avropa parlamentinde çıqışta bulanğan Refat Çubarov sovet zulumı İosif Stalinniñ zamanları qırımtatarlarnıñ sürgünligi aqqında hatırlattı.

«2014 senesi aprel ayından soñ Rusiyeden er şeyni beklemek mümkün, şu cümleden halqlarnıñ sürgünligini de», – dedi quvğunlıqta bulunğan Çubarov.

1944 senesi Yalta konferentsiyası arfesinde Stalin tahminen 180 000 qırımtatarnı Orta Asiyağa sürgün etmege emir etti. Olardan çoqusı sürgünlikte vefat ettiler.

Qırımtatarlarnıñ çoqusı ve olarnıñ balaları 1980-1990 seneleri Qırımğa qaytıp keldiler. Uquq qoruyıcılar Rusiye işğalinden soñ qırımtatarlarnıñ vaziyeti kerginleşkeni aqqında bildireler.

Qırımtatarlarnıñ esas qısmı Qırım işğaline qarşı çıqqan edi.

Qırımtatar Milliy Meclis reisi Refat Çubarov Qırımdan insanlarnıñ icretini nezaret etkenini bildirdi. Onıñ sözlerine köre, Meclisniñ soñki sessiyası Skype vastası ile keçirildi, çünki Meclisniñ sekiz azası qıtaiy Ukrainada buluna.

XS
SM
MD
LG