Link açıqlığı

Saatnıñ esas haberi

Aleksandr Yanukoviç kence Viktor Yanukoviçniñ Aqyarda defin etilgenini tasdiqladı


Ukraina sabıq prezidenti Viktor Yanukoviçniñ oğlu Aleksandr kence Viktor Yanukoviçniñ cenazesi Aqyarda olğanını tasdiqladı. Bunı o «Komsomolskaya pravda» neşirine bildirdi.

«Ağamnı mında kömmege qarar aldıq, çünki o Qırımnı, Aqyarnı pek seve edi, Svâto-Nikolskiy mabetine de bir qaç kere kelgen edi», – dey Aleksandr Yanukoviç.

«Bundan da ğayrı yarımadada anamız yaşay, mında ağamnıñ qabrine kele bilecek. Men ise ruhtan tüştim. Tezden Sankt Peterburg ya Moskvağa ketmek isteyim».

Mart 22 künü kence Yanukoviçniñ Rusiye Baykal özeninde ölgeni aqta malümat peyda oldı.

Rusiye matbuat vastaları, Rusiye fevqulâde işler nazirlige esaslanıp, Baykaldaki yol qazasında 33 yaşında moskvalı Viktor Davıdovnıñ vefat etkeni aqqında bildire edi. Bunıñ ile «Davıdova» soyadı Viktor Födoroviç Yanukoviçniñ apayınıñ qız soyadı olğanı aqta malümat peyda ola.

Evel Regionlar firqası Ukraina sabıq prezidenti Vkitor Yanukoviç oğlunıñ ölümini resmiy şekilde tasdiqlağan edi.

Mart 23 künü Aqyarda Svâto-Nikolskiy mabeti yanında olğan mezarlıqta adsız mezar peyda olğanı aqqında bildirile edi. Mezar sabıq ukrain prezidenti Viktor Yanukoviçke ait olğanı aqta haber peyda oldı.

XS
SM
MD
LG