Ukraina turizm yetekçileri Birliginiñ prezident muavini Arkadiy Maslovnıñ fikrine köre, bu sene ukrain turistleri naqliyat qamaçavı ve havfsızlıq telükesi olğanından sebep Qırımğa kelmezler.
Bunı o Kiyevde keçirilgen matbuat konferentsiyasında bildirdi.
«Bizde Odessa, Herson, Nikolayev bar. Qara deñiz imkânları bar, raatlanuv şaraitleri boyunca bu territoriyalar Qırımğa oşay», – dedi o
Ukraina cenüp turizminiñ inkişaf Birliginiñ başı Tatyana Volınets aytqanı kibi, bıltır turoperatorlar evel Qırımda raatlanğan insanlar Odesa ve Herson kurortlarına kelecegne ümüt besley edi. Amma, eskpertniñ sözlerine köre, böyle olmadı.
«Müsbet deñişüvler yalıñız bala sağlamlaşıtıruvında qayd etildi. Çünki Qırım turizm hızmetleri çarşısından çıqqan zenaat birlikleri Hesron, Nikolayev, Odessa ve Berdânsk vilâyetlerine yollanmalarnı satın alğanlar», – dedi Volınets.
Evel Qırımnıñ sabıq kurort naziri Aleksandr Liyev aytqanı kibi, Ukraina Qırım ile demir yol munasebetini açmasa, bu sene yarımadağa bir million insan bile kelmez.
Qırım kurort naziriniñ tahminlerine köre, 2015 senesi Qırımğa 4,3 million insan kelmeli.
