İnsan aqları boyunca Qırım alan eyyeti Aqmescitniñ SİZOsında bulunğan Yevromaydan Qırım faali Aleksandr Kostenko babasınıñ bulunuv yeri aqqında alâ daa bir şey bilmey.
Bunı Qırım.Aqiqat mühbirine İnsan aqları boyunca Qırım alan eyyetiniñ reis muavini Olga Skripnik bildirdi.
«Onıñ ile bağ peyda olğanı aqqında delil yoq, bilgenime köre, al-azırda anda faali babasınıñ ğayıp oluvını ögrenmege tırışqan İnsan aqları boyunca Qırım alan eyyetiniñ nezaretçileri buluna», – dedi o.
Yevromaydan faali Alekandr Kostenkonı 2015 senesi fevral 8 künü yaqaladılar. O şimdi Aqmescitniñ SİZO-1 buluna. Rusiye uquq qoruyıcı organaları onı Kiyevde 2014 senesi fevral 18 künü ukrain içki işler nazirliginde taş atqanında qabaatlaylar.
Tevqif ve tintüvlen soñ, babası Kiyevge ketti, amma nevbetteki tintüv aqqında haberni bilip, acele qayttı. Qırımğa kirgende, tuvğanları ile bağı üzüldi.
