Link açıqlığı

Nikolay Svanidze ATR telekanalına etilgen basqı aqqında: halqnı o qadar çekiştirmek mümkünmi?


Rusiye Federatsiyasınıñ prezidenti yanında vatandaşlıq cemiyetniñ inkişafı ve insan aqları boyunca Şura azası, jurnalist Nikolay Svanidze

Rusiye Federatsiyasınıñ prezidenti yanında vatandaşlıq cemiyetniñ inkişafı ve insan aqları boyunca Şura azası, jurnalist Nikolay Svanidze ATR qırımtatar telekanalına basqı etilgeni aqqında bildirdi. Onıñ sözlerine köre, telekanal şuradan yardım soradı,– haber ete «AN– Krım».

«Maña resmiy vesiqanı yolladılar. Bunen insan aqları boyunca şurada oğraşacaqmız, Roskomnadzorğa muracaat etmege tırışırmız. Ümüt etemiz ki, şu ürmetli efendiler İnsan aqları boyunca şuradan kelgen muracaatqa seslenirler. Şimdi şusı açıq-aydındır ki, bu emiyetli ve yekâne qırımtatar televizion kanalına ciddiy bir basım etile. Men şu basqınıñ sebeplerini añlap olamayım. Nasıldır bir maña belli olmağan sebepler olsa da, anda olğan adiselerni aqlamaylar. Çünki bu al kerçekten de qırımtatarlarğa menfiy tesir ete. Menimce, siyasiy zararı olğan bir arekettir»,– dey Svanidze.

Onıñ fikrine köre, qırımtatar telekanalı qapatılsa, «yarımadada vaziyet daa da kergin ola bilir».

«Menimce, pek yaramay bir şey. Çünki bundan sebep kerginlik, ilk evelâ milletlerara kerginlik artacaqtır. Mında yahşı bir şey olamaz artıq. Halqnı o qadar çekiştirmek mümkünmi? Añlamayım. Halq endi nice yıllar devamında çekişe. Qırımtatarlarnı sürgün etken Stalinniñ qaramanlığını tekrarlaycaq olalarmı? Bunı, aqiqaten, añlap olamayım», – dedi Svanidze.

Mart 20-de ATR qırımtatar telekanalı Roskomnadzor mektübini aldı. Oña binaen, telekompaniyanıñ Rusiye qanunlarına köre kütleviy haber vastası olaraq qayd olmaq içün bergen arizası kene de baqılmayıp red etildi. Telekompaniya Roskomnadzorğa vesiqalarnı bir qaç kere bergen edi, amma olarnı qaytaralar.

ATR mediaholdingine kirgen diger kütleviy haber vastaları – Lâle qırımtatar bala telekanalı, «Meydan» radiosı ve «Lider» radiosı, em de «15 minut» haber agentligi aynı vaziyetke oğradı.

Qırım ükümetiniñ yolbaşçısı Sergey Aksenov ATR işini tenqid etip, bunıñ kibi siyaseti olğan kütleviy haber vastaları yarımadada çalışamaz.

XS
SM
MD
LG