Link açıqlığı

Şair T. Şevçenkonıñ hatıra tedbirinde Ukraina devlet timsallerini qullanğanından sebep 40 saatlik mecburiy işler ile cezalanğan Qırım faali Veldar Şukurciyev işbu qararğa şikâyet etti.

Bunı o Facebookta yazdı.

«19.03.2015 Aqmescitniñ demir yol mahkemesiniñ qararına şikâyet ettim. Şikâyet baqılacaq kün aqqında haber bekleyim», – dep ayttı faal.

Leonid Kuzmin, Veldar Şukurciyev ve Aleksandr Kravçenko mart 9-da Aqmescitniñ Gagarin bağçasında ukrain şairi Taras Şevçenkonıñ hatırasına keçirilgen aktsiyada yaqalanıp, Demir yol rayon politsiya bölügine alıp ketirilgen ediler. Mart 12-de mahkeme olıp keçti, faallerni ukrain timsallerini qullanğanlarından sebep cezaladılar. Mahkeme faallerni 40 saatlik mecburiy işler ile cezaladı.

Mart 17-de Qırımda ukrain şairi Taras Şevçenko hatırasına aktsiya iştirakçisi Veldar Şukurciyevni Rusiye İçki işler nazirliginiñ ekstremizmge qarşı idaresinde bir saatlik subetten soñ «ekstremist faaliyetiniñ yasağı» aqqında tenbiyelediler.

XS
SM
MD
LG