Link açıqlığı

Bazarertesi künü, mart 23-te, Qırımnıñ yüksek «mahkemesi» «fevral 26 işi» boyunca yaqalanğan Talât Yunusovnıñ mahkemeniñ apis cezası aqqında qararına şikâyetini red etti, dep haber ete QHA agentligi, faalniñ adliyecisi Cemil Temişevge esaslanıp.

Çarşenbe künü, mart 11-de, saba Qurman rayonınıñ Temir köyünde (Yastrebovka) 1984 senesi doğma Talât Yunusov yaqalandı. Onıñ evinde tintüv keçirildi. Mart 13-te Aqmescitniñ Kiyev rayon mahkemesi qırımtatar faali Talât Yunusovnı eki ayğa apis etmeğe qarar aldı.

Mart 6-da, bu iş boyunca Asan Çaruhov yaqalanğan edi. Bir qaç saat devam etken sorğudan soñ onı azat ettiler. Bir qaç saat devam etken sorğudan soñ onı azat ettiler.

2014 senesi fevral 26-da Qırım parlamenti yanında Qırımnıñ Ukrainadan ayırılmasınıñ tarafdarları ve qarşı çıqqanlarnıñ büyük bir mitingi olıp keçken edi. Qırımnıñ Ukraina terkibinde qalmasına qoltutqan qırımtatarlar, Meclis vekilleri ve Ukrainağa qoltutqan faaller al-azırda Qırım ükümetiniñ reisi olğan Sergey Aksenovnıñ yolbaşçılığında «Rus birligi» («Russkoye yedinstvo») liderleri teşkil etken Rusiyege qoltutqan faallerge qarşı çıqtılar.

XS
SM
MD
LG