Qırımtatar Milliy Meclis reisi Refat Çubarov Brüsselge yol aldı. Anda Avropa parlamentiniñ havfsızlıq ve mudafaa komitetiniñ azaları ile Qırım taqdiri baqılacaq.
Bunı o Facebookta yazdı.
«Bugün Brüsselge ketem, yarın Avropa parlamentiniñ havfsızlıq ve mudafaa komitetiniñ azaları ile körüşüv keçirilecek. Mevzusı, er daim olğanı kibi, deñişmey: Qırım ve onıñ kelecegi. Tabiiy ki, işğalcilersiz...», – dedi Çubarov.
Birleşken Milletler Teşkilâtınıñ Havfsızlıq şurası mart 19-da Rusiye tarafından işğal etilgen Qırım vaziyeti aqqında mahsus toplaşuv keçirildi. Litvaniya teşebbüsi ile keçirilgen «Arri» formatında körüşüv qapalı oldı. Ekspertler ve siyasetşınaslar davet etile.
Mart 19-da olıp keçken toplaşuvda qırımtatarlarnıñ lideri Mustafa Cemilev çıqışta bulunıp, BMT-ni «Qırımnı Rusiyeniñ özek bazasına çevirmek» imkânını bermemege çağırdı.
BMT yanında Rusiyeniñ daimiy temsilciligi bu tedbirni «provokatsiya» olaraq adlap, Rusiye diplomatları iştirak etmeyceklerini bildirdi.
