Qırımtatarlarnıñ sürgünligi yıllığında Kiyevde «18.05. Hatıra aqqı» metodik işlenmeler yarışı ilân etilgen. Yarış teşebbüsiçi – Ukraina tasil nazirligi ve Krım SOS hayriye teşkilâtınıñ destegi ile «Almenda» vatandaşlıq tasil merkezi oldı.
Yarış maqsadı – tarihiy afızanıñ, vatandaşlıq terbiyesiniñ, milliy inkişafnıñ saqlanıluvıdır.
Bunı Kiyevde keçirilgen matbuat konferentsiyasında yarış teşkilâtçıları tarif etti, dep haber ete Qırım.Aqiqat saytı.
«Vatandaşlıq maarif merkezi Qırımnıñ ukrain kitaplarından, haber alanından ketmemesi içün bütün zaruriy şeylerni yapa. Mayıs 18 künü tasil nazirligi ile «Hatıra aqqı» yarışını keçirecekmiz. <...> Yarışta iştirak etecek ocalar içün para mukâfatlarnıñ olması mümkün», – dey merkezniñ tasil programmalarınıñ koordinatorı Valentina Potapova.
Yarışta ocalar, alimler, oquv yurtlarınıñ icadiy taqımları iştirak ete bile. Yarış ğalipleri (I, II, III yerler) 1500-5000 grn miqdarında para mukâfatını elde eter.
Qırımtatar Milliy Meclisi mart 21 künü Aqmescitte keçirilgen toplaşuvda Sürgünlik künü yıllığına matem tedbirlerniñ keçirilmesi boyunca iş gruppasını teşkil etti.
Bıltır işğal etilgen Qırımda ey yıllıq matem mitingini Aqmescitniñ Lenin meydanında keçirmege yasaq ettiler. Neticede matem tedbirleri Aq-Meçit qasabasında keçirildi.
