Link açıqlığı

Odessada mesken evniñ birinci qatında patlav yüz berdi.

«Pervıy gorodskoy» yerli kanalınıñ malümatına köre, yaqında bu evde tibbiy merkez qapatılğan edi. Patlav neticesinde evniñ bir çoq dairesinde camlar patladı, könditsionerler zarar kördi.

İlk malümatlarğa köre, kimse yaralanmadı.

Soñki vaqıtları Odessada patlavlar sıq-sıq yüz berip başladı. Ukraina İçki işler nazirligi baş idaresiniñ Odessa vilâyetindeki cemaat alâqaları merkeziniñ reberi Vladimir Şabliyenko bildire ki, patlavlar şeerde aman-aman aynı saatte yüz bere. Onıñ aytqanına köre, bundan evel cinayetçiler göñüllilerniñ teşkilâtlarını, cemaat toplu olğan yerlerni patlav içün saylağan olsalar, şimdi adamlarnı qorqutmaq içün bunı yapalar.

XS
SM
MD
LG