Link açıqlığı

Qırımtatar Milliy Meclisi halqara teşkilâtlar ve Rusiye akimiyetiniñ resmiy organlarına qırımtatar tiliniñ statusı ve inkişafı ile bağlı muracaatnı azırlay.

Bunı Qırımtatar Milliy Meclis reisiniñ birinci muavini Nariman Celâl Qırım.Aqiqatqa bildirdi.

«Bizler Qırımda qırımtatar tiliniñ inkişafı, onı qullanuv ve ögrenüv ile bağlı muracaat qabul etilmek kerek, dep tüşünemiz, soñra da bu muracaatnı halqara teşkilâtlar ve Moskvağa, resmiy strukturalarğa yollaycaqmız», – dedi Celâl.

Onıñ aytqanına köre, Meclis metnni azırlap, işbu muracaatnıñ qabul etilmesine başlaycaq.

Qırımtatar Milliy Meclisi V.İ.Vernadskiy adına Qırım federal universitetiniñ dotsenti Viktor Harabuganıñ «Qırımda milliy muhtariyet tiklenmesine aqqı olğan tamır halq yoq» kibi aytqanlarını tenqit etti.

Qırımtatar tili repressiyalarğa oğratılğan halqnıñ tili olaraq yoq olmaq havfı altında buluna ve onıñ ğayrıdan tiklenmesi ve devlet ve cemaat saalarında – memuriy idare, tasil, ilim, medeniyet, kütleviy haber vastaları kibi saalarda qullanılması kerek, dep qayd ete Meclis.

XS
SM
MD
LG