Link açıqlığı

Saatnıñ esas haberi

Qırımtatar Milliy Meclisiniñ azasını sorğuğa çağıralar


İlmi Umerov
İlmi Umerov

Bağçasaray rayonınıñ sabıq reisi, Qırımtatar Milliy Meclisiniñ azası İlmi Ümerovnı Rusiye Taqiqat komitetiniñ Qırım idaresine sorğuğa çağıralar. Bunı Ümerov Facebook saifesinde yazdı. Celpnamege binaen, Ümerov bazarertesi künü, mart 23-te yerli saatke köre saat 17:00 sorğuğa kelmek kerek.

«Tünevin aqşam sorğuğa şaat olaraq davet etildim (angi iş boyunca – qayd etilmegen)», – dep yazdı Ümerov.

Qırımda qırımtatar faalleri ve Meclis azalarınıñ tintüvleri, yaqalanmaları ve aps cezaları sıq-sıq keçirilmekte. Soñki vaqıtları Rusiye uquq qoruyıcıları «fevral 26 işi» boyunca mesülietke çekmege tırışalar. 2014 senesi fevral 26 künü Qırım parlamenti yanında Qırımtatar Milliy Meclis ve «Rus birligi» («Russkoye yedinstvo») tarafdarları ile kütleviy miting keçti.

Bundan evel Rusiye Taqiqat komiteti Qırımtatar Milliy Meclisiniñ reis muavini Ahtem Çiygoznı yanvar 29 künü «kütleviy nizamsızlıqnı teşkil etüvde» şeklep, oña 2015 senesi fevral 19-na qadar, soñra mayıs 19-na qadar apis müddetini belgilediler.

XS
SM
MD
LG