Link açıqlığı

Türkiye Ukrainağa köçip kelgen adamlarğa yardım köstermek içün 10 million dollar ayırdı


Ukraina prezidenti Petro Poroşenko ve Türkiye prezidenti Recep Tayip Erdoğan

Türkiye Ukrainağa 10 million dollarlıq içtimaiy yardım berip, Ukrainağa 50 million dollar miqdarında kreditni bücet defitsitiniñ qapatılması içün ayırmağa qarar aldı. Bunı Ukraina prezidenti Petro Poroşenko Türkiye prezidenti Recep Tayip Erdoğan ile Kiyevdeki körüşüvinden soñ bildirdi.

Erdoğannıñ qayd etkenine köre, 10 million dollar Donbassta terrorizmge qarşı tedbirler keçirilgen yerlerden köçip kelgen adamlarnıñ ihtiyaclarına sarf etilecek.

Ukraina prezidentiniñ matbuat kâtibi Svâtoslav Tsegolko bildire ki, Poroşenko ve Erdoğannıñ körüşüvi planlaştırılğan bir saat yerine üç saat sürdi, soñra Ukraina-Türkiye strategik şurasınıñ toplaşuvı olıp keçti.

Ukrainada Donbasstan köçip kelgen milliondan ziyade adam qayd etildi.

XS
SM
MD
LG