Link açıqlığı

Saatnıñ esas haberi

Qırım spikeri Konstantinov aylığını bala hastahanesiniñ ihtiyaclarına bermege istey


Qırım Devlet şurasınıñ reisi Vladimir Konstantinov
Qırım Devlet şurasınıñ reisi Vladimir Konstantinov

Qırım Devlet şurasınıñ reisi Vladimir Konstantinov aylığını cumhuriyetniñ bala hastahanesine bermege niyetlene, – dep haber ete cuma künü, mart 20-de, RİA Novosti.

«Men qarar aldım, men keçken dört yıl devamında (cumhuriyet parlamentiniñ reisi olıp) aylığımnı bala hastahanesine bergen edim, ve para büyük yardım köstergen edi. Mence, aylıqnıñ bir qısmını qısqartmaq kerek, qalğanını ise men hastahanege berecem. Şimdi bunıñnen bağlı qarar qabul etile», – dep ayttı o.

Konstantinovnıñ aytqanına köre, o, cumhuriyetniñ bala klinik hastahanesindeki yardım şurasınıñ yolbaşçısı ola.

Tünevin Qırım yolbaşçısı Sergey Aksenov aylığını eki qat qısqarttı.

Aksenov aylığını kesmek niyeti aqqında bundan evel de bildirgen edi. Aynı vaqıtta Qırımdaki memurlarğa «qoşma maddiy yardım kerek» olğanını qayd etken edi, çünki olarnıñ aylıqları şimdilik yüksek degil.

Mart 6 künü Rusiye prezidenti Vladimir Putin öz aylığı, baş nazir, baş prokuror, Rusiye taqiqat kömiyetiniñ başı, FSB ve diger memurlarnıñ ayılqlarını 10% qısqartmaq emir etken edi.

XS
SM
MD
LG