Link açıqlığı

Saatnıñ esas haberi

Aqmescitte öldürilgen qırımtatar faaliniñ ruhuna dualar oquldı


Reşat Ametovnıñ hatırasına dualar oquldı
Bekleñiz, lütfen

No media source currently available

0:00 0:01:21 0:00

Reşat Ametovnıñ hatırasına dualar oquldı

Cuma künü, mart 20-de, Aqmescitniñ Kebir Camisinde 2014 senesi öldürilgen qırımtatarı Reşat Ametovnıñ ruhuna dualar oquldı.

Dua merasimi saat 12:30 başlasa, 12:58 soñuna yetti.

«Reşat Ametovnıñ öldürüvi yıllığında taqiqat organları taqiqniñ toqtatılması aqqında bildirdiler. Qırımtatar faaliniñ ölümi ve diger insanlarnıñ ğayıp oluvından qasevet çekken cemaatqa bir yıl devamında öyle de bir şey aytmadılar. Şunı aytmaq mecburmız ki, taqiqat organları şimdi, añlaşılmağan bir sebeplerden, kim ve ne içün Reşat Ametovnı öldürdi kibi suallerge cevap bermez», – dedi Qırım.Aqiqat mühbirine dua merasimine kelgen Qırımtatar Milliy Meclis reisiniñ muavini Nariman Celâl.

O, bu işte siyasiy negizniñ olması mümkün olğanını red etmey.
«Reşatnı ciddiy vaqialar yüz bergende hırsızladı ve öldürdiler. Şunıñ içün mında şimdi nasıldır bir adlar ya teşkilâtlar belli ola bile», – dedi Celâl.

2014 senesi mart 3-te saba, Aqmescitniñ Maryino mikrorayonınıñ 39 yaşında sakini, üç balanıñ babası Reşat Ametov evden çıqtı. Tuvğanlarına arbiy komissarlıqqa barıp, Ukraina ordusınıñ göñüllileri sırasına yazılacağını ayttı. Videokameralar onı Qırımnıñ Nazirler Şurası yanındaki Lenin meydanında piket keçirilgende çıqardılar.

Videoğa köre, Qırımnıñ «samooboronası» onı maşinağa oturttı. Eki aftadan soñ Reşat Ametovnıñ cesedi Qarasuvbazar rayonınıñ Ortalan köyünde tapıldı. Erkekniñ bedeninde azap izleri bar edi, başı yapışqan şerit ile sarılğan edi. Berilgen malümatqa köre, ölüm sebebi pıçaq ile yapılğan köz yarası oldı. ŞimdilikReşat Ametovnıñ öldürüv taqiqatı toqtatıldı.

XS
SM
MD
LG